काठमाडौँ महानगर प्रहरी प्रमुख विष्णुप्रसाद जोशी एसएसपी (SSP) पदमा बढुवा

काठमाडौँ, जेठ २० – काठमाडौँ महानगरपालिका नगर प्रहरी बलका प्रमुख विष्णुप्रसाद जोशी नगर प्रहरी वरिष्ठ उपरीक्षक (SSP) पदमा बढुवाहुनु भएका छन्। महानगर कार्यपालिकाको निर्णयअनुसार जोशीलाई नगर प्रहरी उपरीक्षक (SP) बाट वरिष्ठ उपरीक्षक (SSP) पदमा पदोन्नति गरिएको हो।

महानगर कार्यपालिकाले गत जेठ ३ गते नै जोशीलाई एसएसपी पदमा बढुवा गर्ने निर्णय गरेको थियो । सोही निर्णयका आधारमा आज दर्ज्यानी चिन्ह पाएका हुन् । 

काठमाडौँ महानगरपालिकाका कार्यवाहक प्रमुख सुनिता डङ्गोलको उपस्थितिमा उनलाई  प्रमुख प्रशासकीय अधिकृत सरोज गुरागाँईले दर्ज्यानी चिन्ह लगाइदिएका हुन् ।